Halló, halló, halló!

Good God hvað það er langt síðan ég skrifaði síðast!  Málið er nú það að ég hef farið á leikskólann alla vikuna (loksins!) og mamma er búin að vera uppi á Þjóðarbókhlöðu að vinna, þannig að á meðan ég þarf að treysta á mömmu að skrifa verð ég víst að sætta mig við að hún tekur svona vinnutarnir og sinnir þá ekki skrifunum mínum á meðan  Nei, nei, mamma mín, allt í góðu bara, bara standa sig betur í framtíðinni!  Anyways, þá líður mér loksins betur, þetta leiðindakvef varð ansi krassandi á tímabili og húðin mín var svo viðkvæm sumstaðar að ég flagnaði allhrikalega á stórum svæðum.  Það hryglir aðeins í hægra lunganu ennþá en ég er að fara í blóðprufu á mánudaginn og vonadi verður "hlustunin" þá miklu betri en síðast.  Guð, haldiði ekki að ég sé orðinn baðsjúkur - gæinn sem hataði að fara í bað og mikið basl var að koma mér í baðið!!  Heimta sko að fara í bað núna minnst einu sinni á dag og helst myndi ég vilja fara mörgum sinnum yfir daginn!  Jamm, lífið getur verið fljótt að breytast, ha!  Well oh well, læt heyra frá mér á næstu dögum eða allavega eftir að ég er búinn í blóðprufunni.  Æi, gleymdi aðeins - þið munið kannski að Nikulás stóribróðir fékk svona hársjúkdóm (Alopecia Areata) og fór að missa hárið, en nú er hann kominn með leiðindarútbrot í andlitið og enginn skilur neitt í neinu.  Má ég biðja ykkur um að hugsa líka fallega til hans og Teklunnar minnar eins og þið hafið gert til mín, þau hafa þurft að lifa við svo erfiðar aðstæður í svo laaaaangan tíma að þau eiga sko skilið að líða vel og ekki líka lenda í einhverjum leiðindarveikindum.

Með smásorgíhjartaútafþvíaðsystkinummínumlíðurstundumillakveðju, b

Benjamín Nökkvi Hinn Blíði 

Athugasemdir

[Dísa (IP-tala skráð) 1.2.2007 kl. 19:53]

Þið eruð öll famelían í mínum bænum :)

[Margrét Backman (IP-tala skráð) 6.2.2007 kl. 15:10]

Elskurnar mínar. Mikið er gott að þér líður betur en voðalega er þetta leiðinlegt með Nikulás, ekki á þetta bætandi. Vonandi tekst þeim að finna út hvað þetta er.

Eigum við ekki að reyna að fara að borða saman aftur bráðlega.

Heyrumst

Margrét, Biggi og strumparnir

[p.s. (IP-tala skráð) 7.2.2007 kl. 13:08]

Vonandi fer sorginni í hjartanu að létta vinur svo allir geti verið frískir og glaðir á ný þið eruð ótrúlega dugleg og þú svo flottur strákur. Kveðja P.S

[Melanie Rose (IP-tala skráð) 9.2.2007 kl. 22:47]

Gangi þér vel sæti.....mun fylgjast með þér hér