GVÖÖÐ MINN GÓÐUR!!!!

Ok, Ok, Ok, smá panikk hérna!  Mamman er að ranka við sér að rúmur mánuður er síðan við létum heyra frá okkur síðast - anda í poka, anda í poka, anda í p....!  OK - best að byrja - ég er í góðu lagi!!!  Við komum frá Stokkhólmi 8 júni, með engar fréttir nema þær að ég er að byrja að fá ský fyrir augun (þarf að fara í aðgerð eftir ca. 2-3 ár, fer eftir þróun - þar sem ég mun fara að sjá ver og ver - (mögulegar) síðbúnar afliðingar eftir mergskipti), lungun mín eru ekki nógu góð og þurfum við að fara að pústa mig með úðavélinni eftir ákveðnu prógrammi, þyngdin hmmm (verðum að berjast áfram í að reyna að þyngja mig, eeeen tannhirðan góð, og ÉG flottastur.  Við erum alltaf að fatta betur og betur hversu ótrúlegt það er að ég sé enn hér (ok, smá væmið, en það er sífellt verið að minna okkur á það) - innkirtlasérfræðingurinn í Huddinge byrjaði á að segja við okkur að hann tryði varla að ég væri þarna í alvöru, svo lygileg (ótrúleg) sólskinssaga væri sagan mín - Hahh, höfum alltaf vitað að ég væri einstakur, en Vóóó, helv.... hlýt ég að vera magnaður gæi!!  Trúið mér, við þökkum (Guði) innilega fyrir þá gargandi snilld að ég skuli enn vera hér, enginn hroki á þessum bæ!! Anyhow, þá fengum við ekki að vita út mergsýninu fyrr en ca. 10 dögum eftir að við komum heim (ok, kannski voru það bara 8 en það upplifðist sem svona 3-4 ár!!) - en þegar við fengum loks að vita (að mergurinn væri hreinn) þá hrundi mamma næstum í gólfið (veit, ekki í fyrsta sinn sem hún og pabbi hafa verið svona hengd upp á þráð) svo mikill var léttirinn!!  Við mjökumst áfram, foreldrar mínir eru enn að tjasla sér saman eftir að blæddi hjá mér í desember - talandi um að lenda í 1000földum áföllum í lífinu - en þau eru nokkuð nett á því samt og við fórum öll fjölskyldan til Vestmannaeyja á Pollamót í lok júní, bara Geðveikt!  Það, að vera saman sem fjölskylda er svo klikkaðslega gaman og enginn ætti að taka það sem sjálfsögðum hlut að geta gert skemmtilega hluti saman sem fjölskylda, það eru yndisleg forréttindi!  Fylkismenn voru að sjálfsögðu flottastir - Nikulás bróðir er dásamlegur fótboltatalent (má alveg sletta!), Hrafnhildur Tekla var sko flottasti fánaberinn, og ég var (sagði Örvar frændi sem var liðsstjóri) kosinn langflottasti Fylkismaðurinn!!  Fullt af upphrópunarmerkjum í dag, en þannig á það bara að vera!!!!!!!

Með Fótboltakveðju,

Benjamín Nökkvi HeldMeðFylkiKveðju

Athugasemdir

[Elísabet Sóley Stefánsdóttir, 5.7.2008 kl. 03:31]

Gott að allt gengur vel og vonum allt það besta með framhaldið :-)

[Andrea (IP-tala skráð) 5.7.2008 kl. 22:02]

En yndislegar fréttir!  Ég fann það einhvern veginn á mér að það kæmu góðar fréttir í þetta skiptið.  Algjör snilld. leiðinlegt með sjónina en hvað er það miðað við að vera á lífi eftir þetta allt saman!  Bara innilega til hamingju með góðar niðurstöður og ég vona að áföllunum fara snarfækkandi og að þið getið farið að njóta lífsins sem fjölskylda. Þið eigið það svo sannarlega skilið.

 Bestu kveðjur, Andrea, Kjartan, Ásgeir Valur og Birgir Hrafn.

[Linda Linnet Hilmarsdóttir, 6.7.2008 kl. 20:47]

Innlitskvitt og bestu kveðjur

[Halla (IP-tala skráð) 15.7.2008 kl. 20:52]

Gott að heyra að mergurinn er hreinn. Já, Benjamín Nökkvi er eitt af kraftaverkunum sem við fáum að fylgjast með.  Til hamingju!   Kærar Vestan-kveðjur.