YESSS, GÓÐAR FRÉTTIR!!!!!

Ætla að skella inn smá línu og deila með ykkur góðum fréttum, kannski ekkert sérstakar þannig en fyrir mömmu og pabba eru þær þvílíkur léttir.  Ég var í blóðprufu í morgun og var að fá niðurstöðurnar og þær eru flottar!!  Ekki að það hafi verið neitt sem benti til að fja..... hvítblæðið væri farið af stað aftur en veikindi mín síðast gerðu að mamma og pabbi voru að fara á límingunum um að eitthvað meira væri að.  Það er svo merkilegt hvernig hugurinn vinnur vegna þess að þó svo að allt þjóðfélagið lægi í flensu og fólk var hundlasið þá voru einkenni hjá mér sem mamma og pabbi voru svo hrædd um að gætu verið eitthvað annað en flensan.  Hér erum við að tala um lækkaðar blóðflögur (hrynja yfirleitt við veikindi, allavega hjá mér, en gætu þýtt að hvítblæðið væri farið af stað), lækkun í hemoglóbínu (sama of með flögurnar, en gæti einmitt líka þýtt eitthvað skelfilegt), gríðarleg þreyta og slappleiki (enn og aftur sama, og mér skilst að þeir sem hafa fengið þessa flensu hafi legið dögum saman í rúminu vegna slappleika), minnkuð matarlyst (sama aftur), og verkir í fótum (líklega bara beinverkir sem oft fylgir flensu, en gæti þýtt að......).  Pjúff, miðað við þessi einkenni finnst mörgum kannski ekki skrítið að mamma og pabbi voru hrædd þrátt fyrir að berjast við þessar neikvæðu hugsanir og reyna að vera skynsöm og hugsa að þetta væri bara flensan.  Það er nú bara þannig að þrátt fyrir að vera rökhugsandi verur þá erum við líka tilfinningaverur, og hræðslan við hvítblæði er svo yfirþyrmandi tilfinning að hún yfirgnæfir rökhugsunina BIG TIME!!!!  Mamma og pabbi eru semsagt svo létt yfir niðurstöðunum að ég held svei mér þá að þeim langi að kasta sér í gólfið og gráta af létti!

Með léttri kveðju,

Benjamín Nökkvi súperhetja frá Súper

Athugasemdir

[Melanie Rose (IP-tala skráð) 26.2.2007 kl. 12:23]

Ohh æði !! Til hamingju með góðu fréttirnar !!

[Andrea (IP-tala skráð) 26.2.2007 kl. 13:19]

Mikið er ég fegin að heyra þessar góðu fréttir. Mig dreymdi þig nefnilega um daginn og hafði dálitlar áhyggjur af þér, sem betur fer tákna draumar oft andstæðuna sem þeir sýna og svo virðist vera sem betur fer í þínu tilfelli :)

Haltu áfram á bataveginum og það var gaman að heyra að þú gast notið Öskudagsins.

Kv. Andrea frænka. 

[Halla (IP-tala skráð) 26.2.2007 kl. 19:13]

Frábært! Gaman að heyra að allt gengur vel.

Bestu kveðjur að vestan (Halla, Sæmi, Guðbjört Lóa og Salvör)

[Dísa (IP-tala skráð) 26.2.2007 kl. 19:14]

Til hamingju með góðu fréttirnar :)

Núna geta mamma og pabbi vonandi slappað af í smá tíma :) 

[Adda bloggar, 28.2.2007 kl. 11:22]

til lukku með þetta elskurnar