Stutt og laggott!

Hæ everybody, ætla að smella inn smá fréttaskoti svona rétt fyrir páskana.  Er kominn með leiðindarhósta (líklega einhver kvefveira, enn og aftur!), hitamall, og smá glært hor í nös.  Mamma ákvað að best væri að láta hlusta mig í morgun þar sem betra er að taka á málunum fyrr en seinna til að hlutirnir verði ekki verri.  Gamli góði (neibb, slæmi) kvíðinn byrjaði að láta á sér kræla aftur í gærkvöldi (ekki hjá mér heldur mömmu og pabba) og mamma fékk hörmulega ömurlega martröð í nótt þar sem hana dreymdi að ég væri orðinn veikur aftur.  Bleeehh, ætlar þessu aldrei að sleppa?  Anyways, þá fórum við uppeftir í morgun og ég var hlustaður, en það jákvæða var að hljóðið í lungunum var sko ekkert svo slæmt þó svo að það væri töluvert slím.  Það voru líka teknar blóðprufur, og komu þær líka ágætlega út nema að blóðflögurnar mínar höfðu lækkað töluvert síðan síðast, en hjá mér hefur það verið algengt að þegar ég verð veikur þá lækka þær.  Við vitum að það gæti líka þýtt eitthvað annað en mamma ákvað að hún ætlar að reyna að láta það ekki hafa áhrif á sig, heldur trúa því að þetta sé bara sama mynstrið og við höfum áður séð þegar ég fæ einhverskonar sýkingu.  Ég verð líklega heima frá leikskólanum fram að páskafríi þannig að mitt frí er eiginlega bara byrjað, þó svo að það sé ekki spennandi að þurfa að vera lasinn heima.  Þau gömlu eru að skreppa í smá frí, en amma, afi og Rakel frænka ætla að passa okkur á meðan - eins og Teklan mín segir "oooohhhhh, ég get ekki beðið, ég hlakka svo til þegar mamma og pabbi fara"!!!  Ég er nú samt búinn að spyrja hvort ég megi ekki skreppa með til New York, en mamma og pabbi eru að standa við gamalt markmið sem þau settu sér þegar ég veiktist aftur fyrir 2 árum - ég er að hugsa um að leyfa þeim bara að skreppa og njóta þess að geta sofið, og sofið, og sofið, og.............  Læt heyra í mér aftur um og eftir páska.  Njótið páskanna og lífsins alls

Með páskakveðju,

Benjamín Nökkvi páskaeggjakjamsari

Athugasemdir

[Andrea (IP-tala skráð) 3.4.2007 kl. 11:29]

Leiðinlegt að heyra að þú sért kvefaður, en vonandi er þetta ekkert til að hafa áhyggjur af. Njótta páskafrísins og láttu þér batna. 

Ég skyldi ekki alveg hvað niðurstöðurnar úr lungnaskanninu þínu þýddu en vonandi eru þær ekkert til að hafa áhyggjur af.

Kv. Andrea, og co. 

[Gurrý (IP-tala skráð) 3.4.2007 kl. 19:46]

hæ hæ Benjamín þú hristir þetta kvef af þér fyrr en seinna, alveg pottþétt. Frábært hjá mömmu þinni og pabba að skreppa í smá ferðalag. Ég segi góða ferð Eygló og Bjössi og njótið þess í botn. Til ykkar allra: Gleðilega páska og borðiði fullt af páskasúkkulaði nammi nammi namm. 

kveðjur frá okkur á hinu frábæra Álftanesi 

Gurrý

[Dísa (IP-tala skráð) 4.4.2007 kl. 19:11]

Hafið það gott um páskana öll - unga fólkið í faðmi ömmu og afa og foreldrarnir við að hvíla sig í NY :)